VOL.27

- "Ja was denn? Zum dich selber finde?"

  "ah, nei! Ich bin ja scho da"

- sich öppisem z' widme heisst immer au vo sich selber zrugg z stah

- Liebi staht eus.

VOL.26

- Ich find Uussichtspünkt werdet generell überbewerted

- Ich glaub alte Lüüt täät hin & wieder mal en Handclap guet

- das ganze "mittenand" isch alles e Fraag vo Bewegig + Mitti

- First Fist

- Wemer neui Ort bsuecht im Usse, bsuecht mer au neui Ort i sim Innere 

- "ich hätte nie gedacht, dass die Zahnseide mal enden würde..."

VOL.25

- ängstlich g'rechnet

  isch alles knapp

- Mängisch tenki: me wählt eifach dä Sport, wo eim d wear dezue am beste gfallt

- Schöni Wortfolg:

  ha ha ha ha hä?

- Wenns das Wort zaghaft git - was isch denn Zag?

- mer chan sich glaub voll ufs Looslah konzentriere. S'Festhebe chömer scho automatisch.

- 'umezicke' tuet de Mensch glaub nur, wenn er nöd früeh gnueg für sich selber ihgstande isch

- Die gross Masse chan mit guete Informatione gar nöd umgah

VOL.24

VOL.23

- Me chan au alt werde, ohni's z lerne

- Bezieige sind wie Autofahre. Du dörfsch nöd uf de Baum luege - sust fahrsch dri!

- Stylemässig bliebt me oft hange i sine "beste Jahr"

- eat Prana!

VOL.22

- Nüüt isch so sehr Name und en Style zugliich

  wie "Lotte"

- Nei, Comic Sans isch kei Option

- Ich weiss scho werum entsorge entsorge heisst

- Isches nöd herzig? Dee, wo huupt, hät eifach für e Sekunde lang Angst gha! 

- Dini Absichte bestimmed s Ziel

- no need to glotz!

VOL.21

- i Liebi gits keis Maximum

- E gsundi Haltig bügt Chrankheite vor - Das giltet vilicht au für moralischi Haltige 

- Hipi Elterä sind hützutags das, wo früehner di Riiche & Schööne xi sind

- Ich glaub nöd as Prinzip "Hoe"

- Natürlichi Verwitterig isch perfekti Ästhetik

-Lüüt sind i irem Urteil viel härter, wenns meined, dass sie demit ellei stönd.

- Wenn'd wetsch, dass chunnt, laas gah.

VOL.20

- Sind am End doch die Luute di Schüchste?

- "sie hett de Trüebsinn abonniert das Jahr"

- Du erchennsch, was du kennsch

- Wie toll (und typisch): in Japan sind fröhlichi Lieder easy mal in moll

-

-

-

VOL.19

- Angst behauptet immer vo sich selber, sie segi legitim  

- Im Kreiere gits keis Schlecht: nur es z früeh ufghört

- Me chan offebar au alt werde ohni s z'lerne

- Schmerz hätt bi mir immer au mit nöd wüsse z tue

- D Formulierig "Öppis vo Öpperem wele" isch   eigentlich biz irritierend!

VOL.18

- z viel ha isch nöd guet, es nimmt eim de Blick für d Sach.

- Wenn d wetsch, dass Öppis fremds vetraut wird, hol eifach no öppis fremders mit is Boot.

- Wenn Öpper im Friede isch, profitiered all!

- Hett niemert gseit s Lebe bedüüted nöd au schmerz.

- Finds sonen abturn, wemme Gitarre mit Fraue vergliicht.

- Werum sind Helme eigentlich all SO andersch designt? Sind doch all für s Gliiche! 

- Lüüt liebeds z Ässe i Regionalbahne

- Ich chamer nöd helfe: das Wort Lullaby berüehrt mich eifach unagnehm. (Singsang übrigens au)

- Im Gegesatz zu hütt sind ide 80ies Lüüt wo Hits glandet händ amig Erwachseni gsi

- gönne und verdiene sind glaub Partner

VOL.17

- En Kuss isch au nöd immer d Lösig!

- Sunneliecht het d Energie vo Versöhnig.

- wennd nöd weisch, öb söllsch es sms schriebe: wart, bis es diin Finger weiss.

- D Bruefig isch oft das, vowas me seit: "das hanich eigentlich scho immer gmacht". 

- Wenich mir überleg wo d Luft scho überall xi sind, schnuuf ich no viel lieber ih.       

- Bi Hüüser macht me immer es Riesezüüg aber 300m langi Fabrikhalle striicht me easy mal so lila oder türkis!    

- Mengisch hilft Bade meh geg z wenig Schlaf, wie Schlaf selber

- Das wo dir en Mensch cha gegenüberbringe hät relativ viel mit ihm - und relativ wenig mit dir z tue.

VOL.16

- Dass me sich öppis cha verschönere, isch meistens wienen Aha-effekt  

- Weme us sich use gaht gseht mer, wer mer AU no isch 

- Bin ich eigentlich die einzige, wos wi chli stolz macht Chäs anere Chästheke z bstellä?!  

- Städtebau widerspieglet Geisteshaltig. 

..Villich wüüremer d Planig gschieder spirituelle Mensche überlah.

..Ich meine MIR wandlet ja denn jahrelang idere Realität ume!                        

VOL.15

- Vilicht bechömedmer nöd das,

  wo mir verdiened - sondern das,

  wo mir eus gönned

- Ich nimm au stolpere oder hangebliebe "persönlich". (Alles hät en Grund)

- Was Beerli hät, muen au Stachle ha  

- Die Beziehig isch e one-man-show   

- Im Natel Tüüfel-, Wuet- und en Zwiifel-     emoticon, aber keis f****** Herzli? 

- mängisch wett mer s Perfekte absichere,

  und verlüürts genau daduur

- isches nöd poetisch, dass s'Aug selber au spiegled? Ich gseh öppis & gliichziitig, spieglet sichs i mir.

- Notiz an mich: nicht betrunken Geschenke verstecken!

VOL.14

-R'n'B isch d Fründin vom Rap 

- weme ame Chind seit: "pass uf!" meint me eigentlich sich

-alli Idee entspringed 'me Wunsch

- Jedes Molekül vo miim Lebe isch voller Sinn

- ich denke Schreiber schreiben, weil sie vom unSAGbaren fasziniert sind

- Nüüt isch kompliziert. Nume Erchläärige chönds sii

- models i Spielfilm sind irgendwie immer so schlecht

-ide Stilli vode Nacht sind Gedanke halt luut

Wieviel g' mieteti Hütte & überschüümende Champagner müemer eus eigentlich no aaluege?

Jaja! Peach & cream... mi wüsseds!!